Etiqueta: Xénese do Agonista Dixital.

O porqué do «Agonista» Dixital.

«Na Galipedia, a Wikipedia en galego.
Agón (grego clásico ἀγών) é unha palabra do grego antigo que ten varios significados:

* Por unha banda, referíase a un concurso ou competición, especialmente os Xogos Olímpicos (Ὀλυμπιακοὶ Ἀγῶνες), ou un desafío relacionado con festas relixiosas.[1][2]
* Nun sentido amplo de enfrontamento ou competición, agón referíase a unha competición de atletismo, música, literatura, carreiras de cabalos ou de bigas nun festival público da Grecia antiga.
* Agón tamén era unha personificación mitolóxica das devanditas competicións.[3] Este deus estaba representado nunha estatua en Olimpia con halteres (ἁλτῆρες) nas mans. Esa estatua era obra do escultor Dionisio de Argos, e fora encargada por Smicythus de Rhegium.[4]
* No teatro da Grecia antiga, particularmente na comedia antiga (século V a. C.), agón refírese á convención formal pola que o conflito entre os personaxes debe fornecer a base da acción. Agón é un debate formal que manteñen os personaxes principais dunha obra de teatro grega, protagonista e antagonista, a miúdo co coro actuando como xuíz. O personaxe que fala de segundo sempre gaña o agón, xa que a última palabra sempre é súa. O significado do termo chegou a sobardar os límites da súa orixe clásica para designar, de xeito máis xenérico, o conflito en que se basea unha obra literaria.
* Harold Bloom na súa obra The Western Canon (O canon occidental) usa o termo agón para se referir ás ocasións en que un escritor tenta resolver un conflito intelectual entre as súas ideas e as dun predecesor influente, co resultado de que «o peixe grande come o pequeno», como no capítulo 18: «Joyce’s Agon with Shakespeare».

En galego hai diversas palabras derivadas de agón, como agonía, protagonista, antagonista, etc.»

Artigo extraído da Galipedia.

Eis aquí o porqué foi elixido o nome de agonista. Todos, nalgún intre ao longo do día vémonos inmersos en debates e disputas máis ou menos dialécticas, máis ou menos intelectuais, pero das cales saímos gañadores en tanto en canto, a pesares de «gañar» ou «perder» o debate, saímos coas ideas e as miras renovadas debido ao intercambio de coñecementos vivido durante o mesmo.

O Agonista Dixital (Reloaded).

lunes, febrero 13, 2006

O agonista dixital

— Xa te encargas ti entón?
— Por suposto, non te preocupes. Ó chegar xa o fago.
— Pois así quedamos.
— Así pois. Ata logo.
— Ata logo … ah! …
— Dime.
— En galego, por favor.

Non podía ser doutro xeito, pensei eu.

Este é o mito fundacional deste lar, a historia de por qué un agonista «deixa» que o seu primeiro artigo o escriba un compañeiro. Bueno, sendo precisos, esta non é a historia, o porqué da acción. Pero sí o desencadeante, podemos acordar. O porqué queda entre as risas e as cañas que nos acompañaban.

Empezo escribindo este artigo coa esperanza que sexa ésta una fructífera (da igual se longa ou curta) andadura polos blogs do meu compañeiro «o agonista dixital».

Con vostedes queda,
Un saúdo e Saúde!
andrés

PD: ei aitor, xa me fun, pero como bo «informático» hai cousas que están en beta 😉 aínda por configurar (os teus enlaces favoritos, o título definitivo do teu blog, …) pero xa o vas vendo ti, non? Para calquera cousa xa me avisas. Unha aperta kusun!

Así foi como o meu amigo Andrés iniciou o antigo e non desenrolado «Agonista Dixital» versión 1.0. Daquela, a verdade, aínda que tiña cousas para contar (un erasmus en Amsterdam daba para moito…) non había moitas gañas de pórse diante da pantalla a escribir. Asíque, agora, vexamos que pasa!
Un saúdo a todos os que vos pasedes por aquí. Sede benvidos e poñedevos cómodos!.